text: Ellissa | photo: Fion, 有关机构
澳门银河新开嘅Dean & DeLuca Cafe，来自纽约，新开不久就已经吸引唔少人到场帮衬，搭早船来到澳门可以先到这里吃一个丰富又有纽约特色的圣诞早餐。
D&D的食物融合了美国同澳门嘅饮食文化，例如用非洲鸡做炸球，圣诞将至，更加推出圣诞特色食品，加添节日气氛。
除咗圣诞特色新品，D&D仲有好多特色必吃甜品，彩虹蛋糕係其中之一。经理话每间分店嘅彩虹蛋糕口味，都会因应地区需要稍作改良，所以味道同质感都会唔一样。
鹹蛋西瓜沙律就更加係澳门嘅特色，听到个名可能觉得奇怪！记者访问经理，佢话有人食西瓜喜欢加盐调味，于是创新加入鹹蛋和泰式酱汁配製成沙律。记者亲身试味，以为一定会中伏，结果出奇意外地夹！
Dean & Deluca Cafe
地址：澳门银河地下G107
电话：+853 8883 2221
营业时间：8am-9pm
02｜威尼斯人 免费print出Swarovski红框相威尼斯人圣马可广场里面，有一棵12米高的Swarovski水晶圣诞树，重点係佢左边有一部红色晒相机，只要scan QR code同喺微信上选择活动，就可以上传手机照片，免费打印出来！记者即场试玩，张相会有红色边框，圣诞气氛浓厚！
Swarovski免费晒相机
地点：威尼斯人圣马可广场
费用：免费
03｜打卡必去！梦幻少女粉色tone 圣诞下午茶澳门银河嘅Cha Bei，去年开幕后一直一位难求，Cha Bei就是茶杯的意思，每一个特色设计的茶杯，背后装有你和闺蜜的故事。整间餐厅环境设计都走少女粉色系列，仲有唔少打卡位。
不得不提全新下午茶系列「缤纷狂想曲」，份量超级丰富！二人份包括精緻三文治及鹹点、花漾甜点、柚子梳芙厘配云呢嗱酱，配上茗茶、热朱古力或者咖啡，成个set大到两个人根本食唔晒！虽然主力係甜品，但鹹点一样好好食，特别係松露蘑菇酥，外皮鬆脆，馅料丰富。
圣诞期间这套下午茶嘅蛋糕甜点，更会装饰成雪人同戴上圣诞帽，只在圣诞期间限定，由于呢set甜品製作需时，每日只会限定发售8套，如果想食就要预订喇！
Cha Bei
地址：澳门银河1楼1047舖
电话：+853 8883 2221
营业时间：午餐12nn-3pm，下午茶3-6pm，晚餐6-9pm(星期一至四), 6-10pm(星期五至日)
04｜免费同圣诞老人影相食饱饱最啱周围行下、影下相，可以选择去搵真正嘅圣诞老人。超过50年表演经验嘅Santa Ron专程由北欧飞嚟澳门同大家过圣诞，即日起到26号都可以搵佢影相，唔使去芬兰都见到真圣诞老人！
与圣诞老人亲密接触
地点：澳门银河东翼广场
日期：2017年12月1-26日
时间：1-4pm, 5:30-8:30pm
05｜光影节有惊喜 白玫瑰花海今年澳门光影节最瞩目嘅景点，应该係位于南湾湖水上活动中心嘅白玫瑰花海。呢片花海约有半个足球场大小，每晚 7-10pm 亮灯，着灯之后真係好靓！记者到现场拍摄嗰日都见到人山人海，唔少情侣同一家大细到场留倩影。
除咗打卡景点之外，佢实质是一个迷宫！记者兜咗入去拍摄，本身想沿路行翻出去，结果係失败唔可以嘅！所以如果会到场影相，记得要行多几步行晒全程。
白色玫瑰花海隔篱仲有一个彩色版本，同样吸引唔少人拎埋脚架嚟影相！不过彩色玫瑰花就比起白色玫瑰花矮，所以相对吸引更多小朋友跑嚟跑去，各位如果想影靓相就要等一等。
06｜互动光影游戏 画画登上银幕
呢期澳门举办紧teamLab展览，其中一个活动可以即场画画，scan入电脑，然后在银幕上可以互动。南湾湖白玫瑰花海旁边的广场，同样可以玩！此为光影节免费体验，首先画上自己喜欢嘅图案，交畀工作人员 scan 一下，几秒之后抬头望吓上面帐幕，就可以见到了！
澳门2017光影节 花海迷宫
地址：南湾湖水上活动中心
开放日期：2017年12月3至31日
亮灯时间：7-10pm
07｜平食节日自助餐 怒食葡、泰、中式美食玩完全日最啱食大餐，自助餐就最好不过。金沙城Sheraton的节目自助餐比香港酒店的相对抵食，圣诞同除夕都係5百几蚊左右，有各式各样澳门菜、葡国菜、泰国菜及中菜，大家可以一次过食匀4国风味。现场有厨师即席烹调菜式，又有新鲜至尊海鲜冻盘。圣诞期间，餐厅仲提供特色圣诞蛋糕、布甸，同多款口味的圣诞拐杖糖。
盛宴多国风味自助餐
地点：喜来登金沙城中心大酒店
费用：圣诞自助晚餐(12月4-25日 MOP588+)，除夕自助晚餐 (12月31日 MOP538+)
联络电话：+853 2880 2000
网址
DAY 1 凼仔两大住宿推介全日都在凼仔活动，酒店拣返凼仔就最方便行程，住澳门银河的话推介JW万豪酒店，上网查过12月房价由MOP1,180起，抵住喎！酒店去唔同景点都方便，仲有24小时行李寄存同自助退房手续，啱晒想第二日玩全日又唔想拎行李嘅客人。
澳门银河
网址
罗斯福酒店係今年6月新开嘅酒店，房间有落地玻璃，可以俯瞰凼仔马场。超过368间客房，每一间房都有特别景观，包括河景、赛马会观景等。12月同1月最抵房价只係MOP1,093起！
呢个房型可以见到凼仔马场同附近楼景，落地玻璃可以畀太阳光照进。
罗斯福酒店
网址：themacauroosevelt.com/zh-hant/
【DAY 2】搭上山晨运 看路凼全景第二日瞓醒喺酒店食埋早餐，可以选择上山郊游，以为一定要行得好辛苦？事实係可以搭新开嘅斜行电梯，上大潭山观景台，仲可以一览路凼全景。
大潭山自来水厂了望台
斜行电梯开放时间：7am-6pm
08｜意式午餐 正宗意大利菜睇完靓景可以去食新葡京入面就开嘅意大利菜「当奥丰素」 ，由越洋过海嘅意大利主厨主理，仲会亲手炮製，pizza舖满了手压San Marzano蕃茄、新鲜牛奶芝士、水牛芝士、手工辣肉肠，口味非常正宗。
当奥丰素1890意式料理
地址：澳门葡京路新葡京酒店三楼
电话：+853 8803 7722
营业时间：12nn-2:30pm,6:30pm-10:30pm
网址
09｜蜡笔小新大冒险展览 移师澳门早前台湾蜡笔小新展引起唔少人关注，今个圣诞可以考虑去澳门睇。展览12月16日开始，展览中有晒卡通入面多个角色嘅场景，当中仲有两个澳门区特别展览，结合澳门元素，小新的大象会变成澳门旅游塔吗？
蜡笔小新特展春日部大冒险
日期：至
时间：2-9pm（最后入场时间为8:30pm）
地点：百老汇展览厅二楼2楼
联络电话：+853 6288 9485
10｜日式Cafe 怒食芭菲班戟睇完小新展，落去食埋Ufufu cafe的甜品先打道回港吧！花多眼乱的餐牌上面真係令人有选择困难，记者试食两款招牌甜品，TIRAMISU芭菲同梳芙厘班戟係两款适合港人口味的甜品，第一款芭菲里面有多款味道，加上鲜甜的士多啤梨，见到都想食！班戟配抹茶雪糕同红豆蓉，唔会太甜，食落啱啱好。记得Ufufu的甜品係落单后立刻炮製，等候需时，所以预多一点时间歎甜品，唔好赶住船去啊。
Ufufu Cafe 佐贺横町
地址：百老汇美食街H-G006-G011号舖
电话：+853 2899 1106
营业时间：12nn-11pm
延伸阅读：开幕直击！澳门teamLab展览 5大打卡热点＋购票攻略
延伸阅读：澳门凼仔美高梅开幕预告｜详列 6 大特点！世界最大朱古力喷泉
